2 ივლისის ღამეს კიევზე რუსეთის არმიის დარტყმის შედეგად დაზიანებული შენობის ნანგრევებიდან კიდევ სამი დაღუპულის ცხედარი ამოიყვანეს, იტყობინება უკრაინის სახელმწიფო საგანგებო სიტუაციების სამსახური (SES).

თავდასხმის შედეგად დაღუპულთა საერთო რაოდენობა 30-მდე გაიზარდა.

ქალაქის სამხედრო ადმინისტრაციის ხელმძღვანელის, ტიმურ ტკაჩენკოს თქმით, კიდევ სამი ადამიანი არ უპასუხებს კონტაქტს. ძებნა გრძელდება. ხუთშაბათს საღამოს ტკაჩენკომ განაცხადა, რომ თავდასხმის შედეგად დაშავებულთა რიცხვმა 91-ს მიაღწია.

3 ივლისის ღამეს რუსეთის ძალებმა უკრაინაზე იერიში განაგრძეს. უკრაინის საჰაერო ძალების ცნობით, მთელი ღამის განმავლობაში ქვეყანაზე იერიში მიიტანეს 105 დრონისა და ორი Kh-59/69-ტიპის საჰაერო რაკეტის საშუალოებით. ამავე ინფორმაციით, ოთხმოცდახუთი დრონი და ერთი რაკეტა განეიტრალდა.

დნეპროპეტროვსკის რეგიონში თავდასხმების შედეგად ერთი ადამიანი დაიღუპა და 13 დაშავდა. კრივოი როგში დაზიანდა ოფისი, საგანმანათლებლო დაწესებულებები, საცხოვრებელი კორპუსები, მაღაზია და მანქანები. სოფიევსკაში მდებარე ბენზინგასამართ წერტს ცეცხლი გაუჩნდა, რამაც ხანძარი გამოიწვია. დაზიანება ასევე დაფიქსირდა სინელნიკოვსკის, კამენსკის და ნიკოპოლსკის რაიონებში.