კენიის დედაქალაქ ნაირობიდან დაახლოებით 120 კილომეტრში, ქალაქ გილგილში, „უტუმიში გირლსის” (Utumishi Girls) სასკოლო პანსიონატში ხანძარი გაჩნდა. 16 მოსწავლე დაიღუპა, 74 კი მძიმე დამწვრობებით საავადმყოფოში გადაიყვანეს.

კენიის წითელი ჯვრისა და პოლიციის ცნობით, ხანძარი ხუთშაბათს, გამთენიისას დაიწყო — იმ დროს, როდესაც სტუდენტებს ეძინათ. ხელისუფლება ხანძრის გამომწვევ მიზეზს ჯერ კიდევ ადგენს. საგადაუდებლო დახმარების ჯგუფები ადგილზე გავიდნენ.

ექიმის ინფორმაციით, ზედა სართულზე მყოფ ზოგიერთ სტუდენტს სახელდახელოდ ქვემოდ გადახტომა მოუწია — ამიტომ ბევრი მათგანი ასევე დაშავებულია.

კენიის სასკოლო პანსიონატებში ხანძარი ხშირი მოვლენაა. ბოლო წლებში ბევრი ფატალური შემთხვევა დაფიქსირდა. ძირითადი მიზეზები, როგორც წესი, საერთო საცხოვრებელში გადატვირთვა და უსაფრთხოების ნორმების დარღვევაა.