12 ივნისს თბილისის დინამო არენაზე ამერიკელი რეპერ კანიე უესტის (YE) კონცერტი გაიმართება — ეს 6 მაისს ღონისძიების ორგანიზატორმა Starring Georgia-მ გამოაცხადა. კულტურის სამინისტროს მართვაში მყოფმა Starring Georgia-მ უესტს „21-ე საუკუნის მუსიკის ერთ-ერთი ყველაზე მნიშვნელოვანი და გავლენიანი ფიგურა” უწოდა.

კონცერტი დაგეგმილია ევროპაში რამდენიმე ღონისძიების გაუქმების ფონზე — პოლონეთი, შვეიცარია და საფრანგეთი მის ჩატარებაზე უარი თქვეს. გაერთიანებულმა სამეფომ კი უესტს ქვეყანაში შესვლა აუკრძალა, სადაც ის ლონდონის Wireless ფესტივალზე უნდა გამოსულიყო. ბილეთების გაყიდვა ჯერ არ დაწყებულა.

კანიე უესტს მრავალი სადავო განცხადება ეკუთვნის, მათ შორის: „მე მიყვარს ნაცისტები”, ადოლფ ჰიტლერის შექება, სვასტიკიანი მაისურების გაყიდვა საკუთარ ვებგვერდზე, ასევე სიმღერა სახელწოდებით Heil Hitler, რომელიც რამდენიმე პლატფორმამ აკრძალა. 2026 წლის იანვარში Wall Street Journal-ში გამოქვეყნებულ განცხადებაში მან ადრინდელი სიტყვები ბიპოლარული აშლილობით ახსნა და განაცხადა, რომ „ებრაელ ხალხს უყვარს”.