პოლიტიკური ინიციატივა „ჯერ საქართველოს” თანადამფუძნებელი და საერთაშორისო მდივანი ნიკოლოზ ხატიაშვილი პრაღაში გლობალური უსაფრთხოების 2026 წლის ფორუმში მონაწილეობს — ღონისძიება 21–23 მაისს იმართება.

„ჩვენი ამოცანა ქართული იდეის ადვოკატირებაა საერთაშორისო პარტნიორებთან — ალტერნატიული საქართველოს წარდგენა: ისეთი ქვეყნის, რომელსაც შეუძლია ნდობის აღდგენა საკუთარ მოსახლეობაში, საერთაშორისო არენაზე და რეგიონის მნიშვნელოვან მოთამაშედ დაბრუნება,” — განაცხადა ხატიაშვილმა.

ფორუმი მსოფლიოს ერთ-ერთ ყველაზე გავლენიან სტრატეგიულ შეხვედრად ითვლება — აქ იყრიან თავს სახელმწიფოების მეთაურები, პოლიტიკოსები, ექსპერტები, ბიზნეს წრეებისა და სამოქალაქო საზოგადოების წარმომადგენლები.

წელს განსახილველი საკითხები მოიცავს: უკრაინაში მიმდინარე რუსულ აგრესიას, ევროპული უსაფრთხოების მომავალს, გლობალური ძალების კონკურენციას, დემოკრატიის მედეგობას, ჰიბრიდულ საფრთხეებს, შავი ზღვის უსაფრთხოებასა და წესებზე დაფუძნებული საერთაშორისო წესრიგის გარდაქმნას.

ფორუმის ფარგლებში „ჯერ საქართველოს” მონაწილეებს ორმხრივი შეხვედრები და დისკუსიები აქვთ დაგეგმილი.