„ქართული ოცნების” საპატიო თავმჯდომარემ ბიძინა ივანიშვილმა და მისმა მეუღლე ეკატერინა ივანიშვილმა საქართველოს 142-ე კათოლიკოს-პატრიარქ შიო III-ს მილოცვა გამოუგზავნეს. განცხადება გავრცელდა გამორჩევიდან ცოტა ხნის შემდეგ.

„თქვენო უწმინდესობავ, გულითადად გილოცავთ საქართველოს მართლმადიდებელი ეკლესიის კათოლიკოს-პატრიარქად არჩევას. დღეიდან თქვენ გაკისრიათ საპატიო და ამავდროულად საპასუხისმგებლო მისია, რომ უხელმძღვანელოთ ჩვენს დედა ეკლესიას და იყოთ თითოეული მართლმადიდებელი ქართველის, ერის და ბერის სულიერი მამა,” — ვკითხულობთ განცხადებაში.

ივანიშვილებმა ყურადღება გაამახვილეს მომენტის ისტორიულ პასუხისმგებლობაზე: „უდიდესი ისტორიული პასუხისმგებლობაა ემსახურო ეკლესიას და ქვეყანას იმ დროს, როდესაც საზოგადოებას განსაკუთრებით სჭირდება სულიერი სიმტკიცე, ერთიანობა და მშვიდობა. ეს პასუხისმგებლობა კიდევ უფრო დიდია იმის გათვალისწინებით, რომ თქვენ აგრძელებთ კათოლიკოს-პატრიარქ ილია მეორის გზას, რომელმაც ნახევარი საუკუნის განმავლობაში, რთულ და ქარტეხილებით აღსავსე პერიოდში, ჩვენი ხალხი და ქვეყანა ღირსეულად ატარა.”

„გვწამს, რომ თქვენი მოღვაწეობა სიმშვიდის, თანადგომისა და ეროვნული ერთიანობის საფუძვლად იქცევა და კიდევ უფრო განამტკიცებს საქართველოს ეკლესიის მრავალსაუკუნოვან ტრადიციას და ფასეულობებს, რომლებზეც ჩვენი ეროვნული იდენტობა დგას,” — ნათქვამია მილოცვაში.

ივანიშვილებმა ახლად გამორჩეულ პატრიარქს ჯანმრთელობა, ძალა და სულიერი სიმტკიცე უსურვეს.