ელენა ზაუზოვკოვა „პირველებს” ეუბნება, რომ ბიძინა ივანიშვილის ყოფილი მცველი, გიორგი ძიძიკაშვილი, ღამის საათებში მასთან სახლში შევარდა და სასტიკად სცა.

„ახალ ჩაძინებული ვიყავი, მომვარდა, გადმომაგდო საწოლიდან და თავისა და სახის არეში გამეტებით დამიწყო რტყმა. ცემის დროს მეუბნებოდა, წავსულიყავი სახლიდან, მეორე დღეს დაბრუნდებოდა და თუ დავხვდებოდი, ადგილზე მომკლავდა,” — ამბობს ქალი.

52 წლის ზაუზოვკოვა ამბობს, რომ ხელთ აქვს ინციდენტის მეორე დღეს ჩატარებული სამედიცინო ექსპერტიზა. კონფლიქტის მიზეზი ქონებრივი დავაა — ბრალდებული და დაზარალებული ნათესავები არიან. ქალი ამბობს, რომ ძიძიკაშვილს „ივანიშვილის მცველობა უჩვევია” და პოლიციაც ამ გავლენას ითვალისწინებს — ბრალდებული გამოჰკითხეს და გაუშვეს.

შსს-მ „პირველებს” დაუდასტურა, რომ ძალადობის ფაქტი ნამდვილად მოხდა და საქმე 126-ე მუხლით — ოჯახური ძალადობა — მიმდინარეობს. ბრალდებულმა კომენტარი უარი თქვა.