ისრაელის არმიამ ღაზის ცენტრალურ რაიონში საჰაერო დარტყმა განახორციელა ჰამასის სამხედრო ფრთის ახალ ლიდერ მოჰამედ ოდეჰზე. შეტევის შესახებ პრემიერ-მინისტრ ბენიამინ ნეთანიაჰუმ სოციალურ მედიაში განაცხადა. ოდეჰის გადარჩენა ან დაღუპვა ჯერ დადასტურებული არ არის.

ნეთანიაჰუს თქმით, ოდეჰი ერთი კვირის წინ დაინიშნა ჰამასის სამხედრო ფრთის ახალ მეთაურად — 15 მაისს მოკლეული იზ ალ-დინ ალ-ჰადადის შემცვლელად. ოდეჰი ჰამასის დაზვერვის ხელმძღვანელი იყო 2023 წლის 7 ოქტომბრის თავდასხმის დროს.

ალ-ჰადადი — ოდეჰის წინამორბედი — მაისის შუა რიცხვებში მოკლეს ქალაქ ღაზარში ისრაელის წერტილოვანი დარტყმით. სამხედრო ლიდერის ეს თანამდებობა 2025 წლის მაიდან ეკავა, მოჰამედ სინვარის გარდაცვალების შემდეგ.

ისრაელი ალ-ჰადადს 2023 წლის 7 ოქტომბრის თავდასხმის ერთ-ერთ მთავარ ორგანიზატორად და მძევლების „დაცვის სისტემის” ხელმძღვანელად მიიჩნევდა. ღაზის ჯანდაცვის სამინისტროსა და ისრაელის სამხედრო მონაცემებით, 2023 წლის ოქტომბრიდან დღემდე ომში 74 ათასზე მეტი პალესტინელი და 2 ათასზე მეტი ისრაელელი დაიღუპა.