ირანის საფეხბურთო ნაკრები 2026 წლის მსოფლიო ჩემპიონატის საწვრთნელ ბაზას არიზონის შტატის ქ. ტუსონის ნაცვლად მექსიკის ქ. ტიხუანაში გადაიტანს. ამის შესახებ ირანის ფეხბურთის ფედერაციის განცხადება The Guardian-მა გამოაქვეყნა. ფიფამ ამ გადაწყვეტილებაზე ჯერ კომენტარი არ გააკეთა.

ფედერაციის პრეზიდენტის, მეჰდი თაჯის, სიტყვებით, ფიფასგან დადებითი პასუხი უკვე მიღებულია:

„საბედნიეროდ, ჩვენი თხოვნებისა და ფიფასთან სტამბოლში, ასევე ონლაინ შეხვედრების შემდეგ — მათ შორის გუშინდელი შეხვედრის შემდეგ ფიფას გენერალურ მდივანთან — ბაზის გადატანა დაკმაყოფილდა.”

ბაზის შეცვლის გადაწყვეტილება ახლო აღმოსავლეთში ომის დაწყების კვალდაკვალ გაჩნდა — ირანელ სპორტსმენებს ამერიკული ვიზების მოპოვება გაუჭირდა, უსაფრთხოების შეშფოთება კი გაიზარდა. ირანის სპორტის მინისტრმა ომის პირველ ეტაპზე განაცხადა, რომ ქვეყანა მსოფლიო ჩემპიონატში მონაწილეობაზე ამბობდა უარს.

მარტში ფიფამ ბაზის გადატანის წინააღმდეგ გამოვიდა. მაისში კი ვანკუვერის კონგრესზე ფიფას ხელმძღვანელმა ინფანტინომ განაცხადა, რომ ირანი ჩემპიონატის მატჩებს სწორედ აშშ-ში ჩაატარებს. ტრამპმა საბოლოოდ თქვა, რომ „არ ეწინააღმდეგება” ირანის მონაწილეობას.

2026 წლის მსოფლიო ჩემპიონატი 11 ივნისს დაიწყება და 19 ივლისს დამთავრდება.