ირანის ისლამური რესპუბლიკის ელჩი საქართველოში, ალი მოჯანი, ჩინეთის ელჩის განცხადებას ეხმაურება და ხაზს უსვამს, რომ სახელმწიფოებს საკუთარი საგარეო პარტნიორების არჩევის სრული უფლება აქვთ.

„არც ერთმა ქვეყანამ არ უნდა მისცეს საკუთარ თავს უფლება, სხვა ერებს კარნახობდეს, ვისთან და როგორ ჩამოაყალიბონ ურთიერთობები. წარმატებული საგარეო პოლიტიკა ემყარება პატივისცემას, დიალოგსა და საერთო ინტერესებს — არა ზეწოლას და მუქარას”, — წერს ელჩი.

მოჯანი შუა დერეფანსა და საქართველოს სტრატეგიულ მნიშვნელობაზე ყურადღებს ამახვილებს: „ჩინეთი თანამედროვე მსოფლიოს ერთ-ერთი უმნიშვნელოვანესი ეკონომიკური ძალაა. ასეთი თანამშრომლობა ქვეყნების თავისუფალ არჩევანს უნდა ეფუძნებოდეს და არა პოლიტიკურ ზეწოლას.”

„ბოლო ათწლეულების გამოცდილებამ აჩვენა, რომ ცალმხრივი სანქციები, პოლიტიკური ზეწოლა და სახელმწიფო სუვერენიტეტის უგულებელყოფა საერთაშორისო სტაბილურობას კი არ ეხმარება, არამედ კრიზისებს ამძაფრებს”, — ამბობს ელჩი.

ელჩის განცხადება მოდის 9 ივნისს, რომელ დღესაც აშშ-ის წარმომადგენელთა პალატამ „ჩინეთის კავკასიაზე კონტროლის საწინააღმდეგო აქტი” მიიღო. ეს საკანონმდებლო ინიციატივა ამერიკის ადმინისტრაციას საქართველოში ჩინეთისა და რუსეთის გავლენის შეფასებას, ასევე საქართველო-აშშ ურთიერთობების ხუთწლიანი სტრატეგიული მიმოხილვის წარდგენას ავალდებულებს.