საქართველოში ირანის ელჩი სეიედ ალი მოჯანი ამერიკის სენატში დამტკიცებულ „კავკასიაში ჩინეთის გავლენის წინააღმდეგ ბრძოლის აქტს” გამოეხმაურა.

ელჩი კობახიძის მსგავსად კონგრესმენ ჯო უილსონს აკრიტიკებს: „ჩემი რჩევა მასთან იქნებოდა — მსგავსი აქტის მიღებას სჯობს, ორასთერთმეტიათასი ხმა შეინარჩუნოს.” მოჯანი გულისხმობს, რომ უილსონი კალიფორნიის 211 514 ამომრჩევლის ხმით გახდა კონგრესმენი.

„გარკვეულწილად ეს ინიციატივა ემსახურება ერთი მილიარდი ჩინეთის მოსახლეობის, 4 მილიონი საქართველოს მოქალაქის და 95 მილიონი ირანელის პოზიციების წინააღმდეგ ქმედებას. მთლიანად კონგრესსაც ნაკლებად შესწევს უნარი, დაბრკოლება შეუქმნას ისეთ მძლავრ ეკონომიკურ გავლენას, როგორიცაა ჩინეთი,” — განაცხადა ელჩმა.

საქართველოს ეს კანონი ასევე გააკრიტიკა პრემიერ-მინისტრმა ირაკლი კობახიძემ. აშშ-ის წარმომადგენელთა პალატამ კანონპროექტი ორპარტიული მხარდაჭერით დაამტკიცა.