სახელმწიფო უსაფრთხოების სამსახურმა ჯაშუშობის ბრალდებით ჟურნალისტი ირაკლი ჩიხლაძე დააკავა — ეს ჩიხლაძის ცოლმა, მაია ნებიერიძემ, „პირველებს” დაუდასტურა. ჩიხლაძე რედაქტორი, თარჯიმანი და ჟურნალისტია, ასევე მრავალი ორგანიზაციის დამფუძნებელი: მედია-კავშირი „ევრაზია”, ადამიანის უფლებათა კავკასიური ინსტიტუტი, სამოქალაქო მოსმენების კავკასიური ცენტრი, „კავკასის პრინციპიუმი” და გამოცემა „კავკაზ ნიუსი”.

ნებიერიძის ცნობით, მეუღლე სხვადასხვა პროექტებში მონაწილეობდა, რომლებიც უცხოეთიდან ფინანსდებოდა, თუმცა კონკრეტული ქვეყნის სახელი მას არ გამოუტანია. „სანამ „ინი­ცია­ტი­ვებ­ზე” კანონს მიიღებდნენ, რაღაც დაფინანსება ჰქონდა უცხოეთიდან, მერე შეწყვიტა,” — აღნიშნა მან. დაკავებულმა გამომძიებლებს პირდაპირ განუცხადა, რომ ადვოკატის გარეშე არაფერს ხელს არ მოაწერდა.

სუს-ის ბრიფინგის მასალებით, ჩიხლაძეს ბრალად ედება უცხო ქვეყნის სპეცსამსახურების დავალებით, ჟურნალისტურ, საექსპერტო და სხვა პროფესიულ წრეებში არსებული პირადი კონტაქტების მეშვეობით, სადაზვერვო ხასიათის ინფორმაციის სისტემური მოპოვება და გადაცემა. კომუნიკაცია ხდებოდა დაშიფრული არხებით; შეხვედრები სხვადასხვა ლოკაციაზე, წინასწარ შეთანხმებული კონსპირაციის პირობებით.

განსაკუთრებით აღნიშნავს სუს-ი, რომ ჩიხლაძე ონლაინპლატფორმის საფარქვეშ სადაზვერვო ქსელს მართავდა — ანაწილებდა დავალებებს, აკონტროლებდა შეს­რუ­ლე­ბა­სა და უცხო სამსახურიდან მიღებულ ანაზღაურებას ქსელის წევრებს შორის ყოფდა. ასევე, სხვა ქვეყნებში გამგზავრებისას, ადგი­ლობ­რი­ვი კავ­ში­რე­ბის მეშვეობით სადაზვერვო ინფორმაციას ადგილზე ავარ­ჯი­შებ­და.

ირაკლი ჩიხლაძე 2008 წლის ომის დროს რუსეთის საოკუ­პა­ციო ძა­ლე­ბის მიერ ცხინვალში ჩაცხრილული ჟურნალისტის, გიგა ჩიხლაძის ძმაა.

საქმეზე გამოძიება სისხლის სამართლის კოდექსის 314-ე მუხლის პირველი ნაწილით მიმდინარეობს — 8-დან 12 წლამდე თავისუფლების აღკვეთა.