საერთაშორისო ოლიმპიური კომიტეტის (IOC) აღმასრულებელმა კომისიამ საერთაშორისო სპორტულ ფედერაციებს მოუწოდა, ბელარუსს საერთაშორისო ასპარეზზე დაბრუნების უფლება მიეცათ — ქვეყნის სახელითა და ეროვნული სიმბოლიკით, მათ შორის 2028 წლის ლოს-ანჯელესის ოლიმპიური თამაშების ჩათვლით. Reuters-ი ავრცელებს.

ბელარუსი და რუსეთი 2022 წლიდან, უკრაინაში სრულმასშტაბიანი შეჭრის გამო, საერთაშორისო სპორტული ასპარეზიდან მოკვეთილი იყვნენ. IOC-მა განმარტა, რომ ჩაკეტვა სამხედრო ქმედებებზე რეაგირება იყო და გადახედვა ნებისმიერ სამშვიდობო ნაბიჯზე იყო დამოკიდებული.

ბელარუსის ეროვნულმა ოლიმპიურმა კომიტეტმა გადაწყვეტილებას მადლობით გამოეხმაურა და IOC-ის პრეზიდენტ კირსტი კოვენტრის „გაწონასწორებული და პრინციპული პოზიცია” შეაქო. საგარეო სამინისტრომ გადაწყვეტილება „ეროვნული სიამაყის აღდგენად” შეაფასა.

უკრაინის ოლიმპიურმა კომიტეტმა მკვეთრად გააპროტესტა. „ბელარუსის ტერიტორია კვლავ გამოიყენება უკრაინის წინააღმდეგ რაკეტებისა და დრონების გასაშვებად. სამხედრო რეალობაში არაფერი შეცვლილა, რაც ეროვნული სიმბოლიკით დაბრუნებას გაამართლებდა”, — ნათქვამია მათ განცხადებაში.