საქართველო რუსულ კომპანია Inter Rao-ს კომპენსაციას შეთანხმებული გრაფიკით, შვიდ ეტაპად უხდის. ენერგეტიკის მინისტრის მოადგილემ კაკაურიძემ განაცხადა, რომ გადასახდელი თანხა „უფრო ნაკლებია შეთანხმებამდე არსებულ ვალდებულებასთან შედარებით”, თუმცა კონკრეტული თანხა კომერციული საიდუმლოების გამო არ გაასაჯაროოს.

ბოლო ცნობებით, საქართველოს 111 მილიონი დოლარის კომპენსაცია უნდა გადაეხადა, პლუს 28 მილიონი დოლარის პროცენტი.

დავის ისტორია

Inter Rao-ს შვილობილმა კომპანიამ 2017 წელს ჰოლანდიაში სარჩელი შეიტანა საქართველოს წინააღმდეგ. კომპანია ფლობდა ქართულ ჰიდროელექტროსადგურებს ხრამი-1 და ხრამი-2, ასევე Silk Road Holdings-ს, რომელიც თბილისის ელექტრომიმწოდებელ კომპანია „თელასის” 75%-ის მფლობელია.

კომპანია ლარის გაუფასურებით მიყენებული ზარალის ანაზღაურებას ითხოვდა. მისი სარჩელი ეყრდნობოდა 2013 წლის ხელშეკრულებასა და 2011 წლის მემორანდუმს, რომლის მიხედვითაც გარანტია ჰქონდა, რომ 15 წლის განმავლობაში ელექტროენერგიის ტარიფი შემცირებისკენ არ გადაიხედებოდა. 2014 წელს ეროვნული მარეგულირებელი კომისიის ახალი მეთოდოლოგია კი ამ გარანტიებს გვერდს უვლიდა. Inter Rao-ს ანაზღაურების მოთხოვნა 200 მილიონ დოლარს შეადგენდა.

ყოფილი ენერგეტიკის მინისტრი კახა კალაძე 2021 წელს, როდესაც სარჩელის ნაწილობრივ დაკმაყოფილება ცნობილი გახდა, ამბობდა, რომ „სახელმწიფოს დავა არ წაუგია” — საქმე ნაწილობრივი დაკმაყოფილება იყო.