კავკასიის საერთაშორისო უნივერსიტეტის მედიცინის ფაკულტეტის 23 წლის სტუდენტი, ინდოელი დჰვანიტ რაჯდიპი, 12 დღეა უგზო-უკვლოდ დაიკარგა. ოჯახი ინდოეთის პრემიერ-მინისტრს ეხვეწება დახმარებისთვის. ახალ დეტალებს ინდური გამოცემა India Today ავრცელებს.

რა მოხდა

ბოლო ტელეფონური საუბარი 14 მაისს შეწყდა — მოულოდნელად, სტუდენტის ტელეფონი გაითიშა. გაუჩინარებამდე რამდენიმე დღით ადრე დჰვანიტს, რომელიც საქართველოში უკრაინიდან ჩამოვიდა, ბინის გამქირავებელთან — სამხრეთ ინდოელ კაცთან, სახელად ანილთან — მძაფრი კონფლიქტი მოუვიდა.

მამის, მაიურ რაჯდიპის, ჩვენებით, ანილი და მისი თანამცხოვრები სტუდენტს სისტემატურად პარავდნენ ფულს, პირად სამოსსა და საკვებს. როცა დჰვანიტმა ბინის დატოვება გადაწყვიტა, ანილმა დეპოზიტის დაბრუნებაზე უარი განაცხადა. ამით არ შეჩერებულა: სტუდენტი ოთახში გამოკეტა, ტელეფონი ჩამოართვა და მუქარით 6 500 აშშ დოლარი გამოსძალა.

გაუჩინარება

ტყვეობიდან თავის დაღწევის შემდეგ, მამამ სასწრაფოდ გაუგზავნა ავიაბილეთი. სტუდენტი გასამგზავრებლად საბუთებს მიიღო, მაგრამ კავშირი კვლავ გაწყდა — ეს იყო ბოლო კონტაქტი.

ოჯახის სასოწარკვეთა

დჰვანიტის უფროსი ძმა, მიჰირი, უკვე საქართველოში ჩამოვიდა. ოჯახი ყველა კარს ადგება, მაგრამ ამ დრომდე ვერ იღებს თანამშრომლობას ქართველი პოლიციისგან, ადგილობრივი თვითმმართველობის ორგანოებისა და უნივერსიტეტის ადმინისტრაციისგან. ინდოეთის საელჩო ჩართულია.

WhatsApp-ის მიმოწერის ანალიზი ცხადყოფს, რომ სტუდენტსა და ბინის გამქირავებელს შორის კონფლიქტი დიდი ხნის განმავლობაში მწიფდებოდა.