შინაგან საქმეთა სამინისტრომ 29 მაისს დაადასტურა: 23 წლის დვანიტ რაჯდიპის ცხედარი, რომელსაც თბილისში ეძებდნენ, მტკვარში იპოვეს. გამოძიება „თვითმკვლელობამდე მიყვანის” მუხლით დაიწყო (სისხლის სამართლის კოდექსის 115-ე მუხლი) — ეს სტანდარტული კვალიფიკაციაა მსგავს შემთხვევებში, გამოძიების მიმდინარეობისას ის შეიძლება შეიცვალოს.

ინდოელი სტუდენტი სწავლობდა „კავკასიის საერთაშორისო უნივერსიტეტში” (CIU) მედიცინის ფაკულტეტზე. იგი უკრაინიდან გადმოვიდა საქართველოში; სამშობლოში დაბრუნებას სექტემბერში, სწავლის დასრულების შემდეგ, გეგმავდა.

ბოლო კონტაქტი ოჯახს შვილთან 14 მაისს ჰქონდა. ინდური მედიის ცნობით, „გაუჩინარებამდე” მას დაპირისპირება ჰქონდა ბინის მეპატრონესთან — ასევე ინდოეთის მოქალაქესთან, სახელად „ანილთან.” მამის, მაიურ რაჯდიპის განცხადებით, ვაჟს „სასტიკ შევიწროებას” განიცდიდა: ქურდავდნენ მის ფულს, საკვებსა და ტანსაცმელს.

„ოთახიდან გაუსვლელ გახდეს, ტელეფონი ჩამოართვეს. სულ 6 500 დოლარი გამოსძალეს,” — წერს ერთ-ერთი ინდური გამოცემა.

ამის შემდეგ მამამ შვილს ინდოეთში დასაბრუნებელი ავიაბილეთი გაუგზავნა. „დვანიტმა პასპორტი და ტელეფონი აიღო, რათა აეროპორტში წასულიყო,” — ნათქვამია პუბლიკაციაში. ბოლო სატელეფონო ზარი მამასთან მოულოდნელად გაწყდა — ამის შემდეგ სტუდენტი გაქრა.