თბილისში, კავკასიის საერთაშორისო უნივერსიტეტის მედიცინის ფაკულტეტის 23 წლის სტუდენტი, ინდოელი დჰვანიტ რაჯდიპი, 12 დღეა უგზო-უკვლოდ დაკარგულია. ოჯახმა შვილთან ბოლო კავშირი 14 მაისს ჰქონდა — ტელეფონი გაწყდა და გამოითიშა.

ინდური გამოცემა India Today-ი ამხელს, რომ გაუჩინარებამდე ახალგაზრდა ბინის გამქირავებელ — სამხრეთ ინდოელ მამაკაც ანილს — და მის თანამცხოვრებლებს შორის მძაფრი კონფლიქტი ჰქონდა. ანილი და მისი ჯგუფი, დამოუკიდებელი გამოძიებით, სტუდენტს სისტემატურად ჰპარავდნენ ფულს, სამოსსა და საკვებს.

როდესაც დჰვანიტმა ბინიდან გასვლა გადაწყვიტა, ანილმა წინასწარ გადახდილი დეპოზიტი არ დაუბრუნა, ოთახში გამოაკეტა, ტელეფონი ჩამოართვა და მუქარით ანგარიშიდან 6 500 აშშ დოლარი გამოსძალა. სახლიდან გათავისუფლების შემდეგ სტუდენტი აეროპორტისკენ გაემართა — საუბარი გზაში კვლავ გაწყდა.

ოჯახი ამბობს, რომ მიუხედავად ინდოეთის სამელჩოს მხარდაჭერისა, საქართველოს პოლიცია, ადგილობრივი ხელისუფლება და უნივერსიტეტის ადმინისტრაცია ეფექტიანი დახმარების გაწევაზე უარს ამბობდნენ. ამჟამად ოჯახი ინდოეთის პრემიერ-მინისტრს მიმართავს სახელმწიფო ჩარევის მოთხოვნით. გაუჩინარებული ბიჭის ძმა უკვე ჩამოვიდა თბილისში.