2026 წლის იანვარ-მარტში შვიდმა სახელმწიფო სტრუქტურამ ტელეკომპანია „იმედზე” სულ 1,7 მილიონი ლარის სარეკლამო განცხადება განათავსა. 2025 წლის პირველ კვარტალში ეს მაჩვენებელი 250 000 ლარი იყო.

„იმედი” 2024 წლიდან დიდი ბრიტანეთის სანქციებშია — ქვეყნის მთავრობა კი ამ ტელეკომპანიაში სახელმწიფო სარეკლამო სახსრებს ასხამს.

ყველაზე მსხვილი სახელმწიფო რეკლამდამკვეთებია: წყალმომარაგების კომპანია, კულტურის სამინისტრო და რეგიონული განვითარების სამინისტრო — თითოეულმა 100 000-დან 500 000 ლარამდე დახარჯა. თავდაცვის სამინისტრომ, შინაგან საქმეთა სამინისტრომ, სამართლის სახლმა და სურსათის სააგენტომ 7 000-დან 50 000 ლარამდე განათავსეს.

„იმედის” სარეკლამო შემოსავალი 2026 წლის პირველ კვარტალში 10,8 მილიონ ლარს გაუტოლდა — 77%-ით მეტი, ვიდრე წინა წელს.