2026 წლის პირველ კვარტალში სამი კომპანია — შპს „ანაგმა”, შპს „ავენიუ ბაი ორბი” და შპს „მეამა” — თითოეულმა დიდი ბრიტანეთის მიერ სანქცირებულ ტელევიზია „იმედში” 500 000 ლარზე მეტი ღირებულების რეკლამა განათავსა. უცნობია, ეს გადარიცხვები სანქციების გამოცხადებამდე მოხდა თუ მის შემდეგ.

ამავე პერიოდში „იმედში” სახელმწიფო უწყებებმაც ირეკლამეს: თავდაცვის, კულტურის, შინაგან საქმეთა და ინფრასტრუქტურის სამინისტროებმა, იუსტიციის სახლმა, გაერთიანებული წყალმომარაგების კომპანიამ და სურსათის ეროვნულმა სააგენტომ.

„მეამამ” 500 000 ლარზე მეტი „რუსთავი 2”-შიც განათავსა; სანქცირებულ PosTV-ში — თავდაცვის, კულტურისა და ინფრასტრუქტურის სამინისტროებმა, გაერთიანებული წყალმომარაგების კომპანიამ და იუსტიციის სახლმა.

„იმედის” Q1 2026 შემოსავლები — ისტორიული რეკორდი

2026 წლის იანვარ-მარტში „იმედმა” 10 829 042 ლარი მიიღო — ეს პირველი კვარტლის ისტორიული რეკორდია. შედარებისთვის: 2025 წელს ამავე პერიოდში 6 137 624 ლარი, 2024 წელს — 5 297 538 ლარი.

2026 Q1 საუკეთესო მაჩვენებლები:

• „იმედი” — 10 829 042 ლარი
• „რუსთავი 2” — 8 475 191 ლარი
• PosTV (სანქცირებული) — 2 086 572 ლარი

ოპოზიციური არხების შემოსავლები მცირდება: „TV პირველი” — 1 332 345 ლარი, „ფორმულა” — 981 200 ლარი.

დიდი ბრიტანეთმა „იმედს” და PosTV-ს 2026 წლის 24 თებერვალს — უკრაინაში ომის დაწყებიდან ოთხი წლის შემდეგ — ფინანსური სანქციები დაუწესა.