მესტიისა და ზემო სვანეთის მიტროპოლიტი ილარიონი სვეტიცხოვლიდან — სადაც შიო III-ის ინტრონიზაციის ცერემონია გაიმართა — ჟურნალისტებს განუცხადა, რომ ახალი პატრიარქი, სავარაუდოდ, პროტესტის დროს დაკავებული მოქალაქეების გათავისუფლებასთან დაკავშირებულ საკითხს წამოჭრის.

„მე არ მაქვს ინფორმაცია, მგონი გადაიხედება. ახალი პატრიარქი ამის თაობაზე დააყენებს საკითხს. მე დავუჭერ მხარს,” — განაცხადა ილარიონმა.

მიტროპოლიტმა ასევე ისაუბრა გასულ დღეს გამართულ გაფართოებულ კრებაზე, სადაც 22 ხმით პატრიარქი შიო III აირჩიეს: „სინოდალურმა სხდომამ ჩაიარა მშვიდ გარემოში, ღიად. 22 ხმით იქნა გამორჩეული საქართველოს კათოლიკოს-პატრიარქი, შიო მესამე.”

ილარიონი ახალ პატრიარქს სიბრძნესა და სულიერ სიმტკიცეს უსურვებს: „მინდა, რომ დავლოცო, ვუსურვო სიმტკიცე რწმენაში, სულიერებაში, მრავალჟამიერი სიცოცხლე.”