ისრაელური მედიის ინფორმაციით, 28 მაისს ბეირუთში ისრაელის მიტანილი საჰაერო იერიშის სამიზნე ირანის ისლამური რევოლუციის გუშაგთა კორპუსის (IRGC) ყუდსის ძალების იმამ ჰუსეინის დანაყოფის კომანდირი ალი ალ-ჰასანი ყოფილა. Jerusalem Post-ს წყაროს ცნობით, ის ირანული დაჯგუფების სარაკეტო ოპერაციებს ხელმძღვანელობდა. Times of Israel-ის პირველადი ინფორმაციით, ამ ეტაპზე უცნობია, ემსხვერპლა თუ არა ალ-ჰასანი დარტყმას.

იმამ ჰუსეინის დანაყოფი ჰეზბოლასა და ყუდსის ძალებს შორის კოორდინაციაშია ჩართული და ლიბანში პარალელურად მოქმედებს.

27-28 მაისის განმავლობაში IDF-მა ლიბანში ჰეზბოლას 135-ზე მეტ ობიექტს დაარტყა. განადგურდა დაჯგუფების 10-მდე სარაკეტო გამშვები ობიექტი და სასწავლო ბანაკი. 27 მაისის ღამეს ისრაელის საჰაერო ძალებმა ტვიროსში ჰეზბოლას 15-მდე ინფრასტრუქტურულ ობიექტსა და ტერორისტულ უჯრედს დაარტყეს.