ჩიბას პოლიციამ 24 წლის რიდ ჯანაი დეისუნი და 27 წლის ნილ ჯაბახრი დუანი დააკავა, მას შემდეგ რაც დეისუნი „სმაილის” კოსტიუმში პანჩის გალიაში შეიჭრა — სათამაშოს ჩუქება უნდოდა — ხოლო დუანი ამ ყველაფერს ვიდეოზე იღებდა.

პანჩი ის მაკაკაა, რომელიც გასულ ივლისში ძლიერი სიცხის პერიოდში მძიმე მშობიარობის შემდეგ დედამ მიატოვა. ბუნებრივი მზრუნველობის გარეშე დარჩენილი მაიმუნის ერთადერთი ნუგეში პლუშის სათამაშო გახდა — სწორედ ამ ამბავმა გახადა პანჩი მსოფლიოში ცნობილი.

ზოოპარკის ადმინისტრაცია ადასტურებს, რომ ინციდენტის დროს ყველა ცხოველი, პანჩის ჩათვლით, უსაფრთხოდ იყო. ბრალდებულებს ბრალი ზოოპარკის საქმიანობისთვის ხელის შეშლაში წაეყენათ; ამჟამად ზოოპარკი გალიის გამაგრებაზე მუშაობს.