დორტმუნდის “ბორუსიას” პრეზიდენტმა, ჰანს-იოახიმ ვატცკემ, ერლინ ჰოლანის მომავალზე ისაუბრა და განაცხადა, რომ ნორვეგიელი ერთ დღეს “რეალში” აუცილებლად ითამაშებს.

“ერლინგს “რეალი” ძალიან უყვარს და ამას არც მალავს. ვფიქრობ, რაღაც ეტაპზე, შესაძლოა ორ-სამ წელიწადში, ის მადრიდულ კლუბში გადავა, თუმცა ახლა ამის დრო არ არის. ერთ დღეს კი ამის შესახებ საუბრები აუცილებლად იქნება”, - ციტირებს AS-ი ვატცკეს.

ამჟამად ჰოლანდი ნორვეგიის ეროვნული საფეხბურთო ნაკრებთან ერთად მსოფლიო ჩემპიონატზე ასპარეზობს. ნორვეგიამ ისტორიაში პირველად მიაღწია მუნდიალის მეოთხედფინალს, სადაც ინგლისის ეროვნული საფეხბურთო ნაკრების დაუპირისპირდება.

25 წლის ფორვარდმა მიმდინარე მსოფლიო ჩემპიონატზე ოთხ შეხვედრაში შვიდი გოლი გაიტანა და ერთი საგოლე გადაცემა შეასრულა. გასულ საკლუბო სეზონში კი “მანჩესტერ სიტის” მაისურით ყველა ტურნირზე ჩატარებულ 52 მატჩში 38 გოლი გაიტანა და 9 შედეგიანი პასი მიითვალა.