ტიერი ანრიმ მედიასთან ინტერვიუში ისაუბრა იმ ფეხბურთელზე, რომელიც, მისი აზრით, მსოფლიო თასზე გაიბრწყინებს. ფრანგული ფეხბურთისა და “არსენალის” ლეგენდა გვარწმუნებს, რომ ეს იქნება მაიკლ ოლისე - საფრანგეთის ნაკრებისა და “ბაიერნის” მარჯვენა გარემარბი. “აქ ყველაფერი მარტივადაა. ჩვენ შეგვიძლია ბევრი ვილაპარაკოთ იმაზე, თუ რას მიაღწია ოლისემ “ბაიერნთან” ერთად - მოიგო დუბლი, გახდა სეზონის საუკეთესო მოთამაშე, გაიტანა გოლები, შეასრულა საგოლე გადაცემები… ეს ფეხბურთელი ნებისმიერი მწვრთნელის ოცნებაა. მე მქონდა ბედნიერება, ვყოფილიყავი მისი მწვრთნელი (საფრანგეთის 21-წლამდელ ნაკრებში - რედ). ის არა მხოლოდ თამაშობს ფეხბურთს, არამედ, კითხულობს თამაშს თავიდან ბოლომდე. ამით განსხვავება ის სხვებისგან”, - უთხრა ანრიმ FOX Soccer-ს.