ტენერიფეს სანაპიროსთან გაჩერებული ექსპედიციური გემი Hondius ევაკუირდება — ბორტზე ჰანტავირუსის გამო ორი ადამიანი გარდაიცვალა. ნიდერლანდელი მგზავრი 11 აპრილს გარდაიცვალა, გერმანელი — 2 მაისს. ჯანდაცვის მსოფლიო ორგანიზაციის ეჭვით, ნიდერლანდელი ვირუსით გემზე ასვლამდე უკვე ინფიცირებული იყო.

გემზე დაახლოებით 150 ადამიანი იმყოფებოდა. მგზავრები სამხედრო ავტობუსებით ტენერიფეს აეროპორტამდე გადაიყვანეს. ესპანეთის ჯანდაცვის მინისტრმა მონიკა გარსიამ განაცხადა, რომ პირველ ევაკუაციურ ფრენაში 14 ესპანელი მოქალაქე გაემგზავრა.

რადიოგადაცემებიდან მიღებული ინფორმაციით, ევაკუაციის პროცესი ორშაბათამდე გაგრძელდება.