საქართველოს ექიმებს ჰანტავირუსით შეშინება არ სჭირდებათ — ამ დასკვნამდე „იაშვილის სახელობის ბავშვთა ცენტრალური საავადმყოფოს” სამედიცინო დირექტორი, ივანე ჩხაიძე მოვიდა. მისი განმარტებით, ამ ვირუსის ბუნება კორონავირუსისა თუ გრიპის მსგავს გლობალურ გავრცელებას გამორიცხავს.

ჰანტავირუსი ორი სხვადასხვა კლინიკური ფორმითაა ცნობილი. პირველი — თირკმლის დაზიანებით მიმდინარე ჰემორაგიული ცხელება (HFRS) — ევროპაში, აზიასა და საქართველოშიც დასტურდება. მეორე ფორმა, ჰანტავირუსული კარდიოპულმონური სინდრომი (HCPS), ფილტვებს ზიანავს. სწორედ HCPS-ი გამოვლინდა ახლახან კრუიზ გემზე.

„ამ ტიპის ვირუსის გავრცელების ძირითადი არეალი სამხრეთ ამერიკის ქვეყნებია. კონკრეტულად ეს შტამი, რომელმაც საკრუიზო ლაინერზე იფეთქა, საქართველოში არასდროს დაფიქსირებულა,” — განმარტა ჩხაიძემ.

ექიმის სიტყვებით, „არანაირი საფუძველი იმისა, რომ ჩავთვალოთ, ჰანტავირუსი გახდება მორიგი კორონავირუსის ან გრიპის მსგავსი ეპიდემიის წყარო, მისი ბუნებიდან გამომდინარე, არ არსებობს.”

ჰანტავირუსი ადამიანიდან ადამიანზე არ გადადის — ინფიცირება მხოლოდ ვირუსის მატარებელ მღრღნელებთან (ძირითადად თაგვებთან) კონტაქტით ხდება, რაც მის ფართო გავრცელებას ბუნებრივად ზღუდავს.