შინაგან საქმეთა სამინისტროს კახეთის პოლიციის დეპარტამენტის გურჯაანის რაიონული სამართველოს თანამშრომლებმა განზრახ მკვლელობის მცდელობის ბრალდებით ეჭვმიტანილი ნასამართლევი პირი ცხელ კვალზე დააკავეს.

გამოძიებით დადგინდა, რომ ბრალდებულმა გურჯაანის მუნიციპალიტეტში ურთიერთშელაპარაკების ნიადაგზე ცივი იარაღის გამოყენებით მამაკაცს მრავლობითი დაზიანება მიაყენა და შემთხვევის ადგილიდან გაიქცა. დაჭრილი მამაკაცი სამედიცინო დახმარებისთვის კლინიკაში გადაიყვანეს.

სამართალდამცველებმა ჩატარებული საგამოძიებო მოქმედებების შედეგად ეჭვმიტანილი სწრაფად ამოიცნეს და დააკავეს. დანაშაულის ჩადენის იარაღი — დანა — ნივთმტკიცებად ამოღებულია.

გამოძიება სისხლის სამართლის კოდექსის 19–108-ე მუხლით — განზრახ მკვლელობის მცდელობა — მიმდინარეობს, რაც 15 წლამდე ვადით თავისუფლების აღკვეთას ითვალისწინებს.