გორში ახალგაზრდა პაპუნა ლოცულაშვილის ცემის საქმეზე დაკავებული 6 პოლიციელი ბრალდებულია „სამსახურეობრივი უფლებამოსილების გადამეტებაში, ჩადენილი ძალადობით” — თუმცა ჯგუფური ძალადობა, როგორც დამამძიმებელი გარემოება, ბრალდებაში არ ფიგურირებს.

საქმის პროკურორი მიხეილ ბერიაშვილი განმარტავს: „ეს მუხლი ჯგუფს დამამძიმებელ გარემოებად არ ითვალისწინებს. ჯგუფურად ჩადენა, რასაკვირველია, ბრალეულობის ხარისხს ამძიმებს, მაგრამ ამ კონკრეტული მუხლის ფარგლებში ჯგუფურად ბრალდების წარდგენა შეუძლებელია.”

სამხრე კამერები

ჟურნალისტმა პროკურორს დღეს სასამართლო სხდომის შემდეგ სასიცოცხლო კითხვა დაუსვა: დევს თუ არა საქმეში სამხრე კამერის ჩანაწერები? ბერიაშვილმა უპასუხა, რომ საქმეში მხოლოდ საჯაროდ გავრცელებული ტელეფონით გადაღებული ჩანაწერებია — სამხრე კამერების ვიდეო კი საქმეში არ დევს.

„ლოცულაშვილი ქვა მოისვრისო”

შსს-ს მოადგილემ ალექსანდრე დარახველიძემ წინა დღეს განაცხადა, რომ ლოცულაშვილმა ქვა ესვრა პოლიციელს და ამ უკანასკნელს დაუზიანა. პროკურორი ამ განცხადებას ვერ ადასტურებს — ამბობს, რომ ეს „ფაქტზე გამოძიების ობიექტია” და მეტ კომენტარს თავს არიდებს.

ვინ თანამშრომლობს?

პროკურორი ამბობს, რომ ბრალდებულების ნაწილი გამოძიებასთან თანამშრომლობს, ნაწილი — არა. შემთხვევის ადგილზე მყოფ სხვა პირებზე კი ამბობს: „ჩაიდინეს თუ არა მათ დანაშაული — გამოძიებამ უნდა დაადგინოს.”