„ძლიერი საქართველო — ლელოს” ერთ-ერთი ლიდერი, გიორგი სიორიძე, კატეგორიულია: გამოუშვებელ პირებს არც ერთი დანაშაული არ ჩაუდენიათ და ისინი სინდისის პატიმრები არიან. ეს განცხადება სახელმწიფო მინისტრ მამუკა მდინარაძის სიტყვებს პასუხობს, რომელმაც „სინდისის პატიმრის” ტერმინი „გაუფასურებულად” შეაფასა.

„მთავარი ის კი არაა, რა ტერმინით მოვიხსენიებთ ამ ადამიანებს, არამედ ის, თუ რატომ. ეს ადამიანები არიან პოლიტიკური რეპრესიების მსხვერპლი. რეჟიმი ცდილობს მათი საშუალებით მანიპულირებას, მათ დასჯას და საზოგადოების დაშინებას. ერთი რამ კი ვერ გაუგია მდინარაძეს: ეს ადამიანები 4 კედელშიც ბრძოლას აგრძელებენ და გაცილებით თავისუფლები არიან, ვიდრე ქართულ ოცნებაში მოქმედი ვაი პოლიტიკოსები,” — განაცხადა სიორიძემ.

მისი შეფასებით, ხელისუფლება ამ ადამიანებისგან მონანიებასა და „ჩადენილი ქმედების სიმძიმის გაცნობიერებას” ითხოვს — რაც სიორიძეს შიდა წინააღმდეგობად მიაჩნია, ვინაიდან „გაცხადებული აქვთ ბრძოლა თავისუფლებისთვის.”

სიორიძე ასევე გამოეხმაურა მდინარაძის მოსაზრებას ტერმინის „გაუფასურებაზე”: „იმდენად გააუბრალოვეს ეს სიტყვა, რომ გაცვდა. მე რომ ვყოფილიყავი მათი ვინმეს ადვოკატი, თვითონვე ვიქნებოდი სასტიკი წინააღმდეგი ამ ტერმინის გამოყენებისა — იმიტომ, რომ ის სხვა არგუმენტს სერიოზულად ვეღარ გაასმენინებს.”

მდინარაძემ ადრე განაცხადა, რომ „სოციალური შეთანხმება ვერ შედგება, ვიდრე ერთი მხარე მათ სინდისის პატიმრებს უწოდებს, მეორე კი — დამნაშავეებს.” მისი თქმით, შეწყალებას მხარს დაუჭერდა, თუ ადამიანი „ჩადენილი ქმედების სიმძიმეს გაიაზრებს.”