საქართველოს მთავრობა ახალ სახელმწიფო კომპანიას ქმნის, რომელიც ქვეყნის მთავარი საავტომობილო გზების მოვლა-შენახვაზე იქნება პასუხისმგებელი. ცვლილებათა პაკეტი, რომელიც 2026 წლის 3 ივნისს დარეგისტრირდა, დაჩქარებული წესით განიხილება.

ბიუჯეტი და სტრუქტურა

კომპანიის საწყისი კაპიტალური ინვესტიცია (CAPEX) 63 მლნ ლარს შეადგენს. ეს თანხა მოიცავს:

• 30.9 მლნ ლარი — ზამთრის მოვლა-შენახვის 65 ერთეული ტექნიკა;
• 16.4 მლნ ლარი — ზაფხულის მოვლა-შენახვის 54 ერთეული ტექნიკა;
• 15.6 მლნ ლარი — ინფრასტრუქტურა, IT-სისტემები და საწყისი მარაგები.

ჯამში 119 ერთეული თანამედროვე ტექნიკის შეძენა იგეგმება. წლიური ოპერაციული ხარჯი — 30 მლნ ლარი — მოიცავს სახელფასო ფონდს (7 მლნ ლარი 163 თანამშრომლისთვის), საწვავსა და მასალებს, ტექნიკის მოვლა-შენახვასა და ადმინისტრაციულ ხარჯებს.

კობახიძის განმარტება

9 ივნისს პრემიერ-მინისტრ ირაკლი კობახიძემ განაცხადა, რომ ახალ კომპანიას ორი მიზანი აქვს: „სტაბილური რესურსის” შექმნა ხარისხის გასაუმჯობესებლად და სტიქიური მოვლენების — ყინვის, წყალდიდობის, მეწყრის — სწრაფი სალიკვიდაციო რეაგირება.

კობახიძემ ასევე განაცხადა, რომ კერძო კომპანიებმა ამ სფეროში „ხარისხი ვერ უზრუნველყვეს”. სახელმწიფო კომპანია კანონპროექტის ინფრასტრუქტურის სამინისტროს კუთვნილი „კერძო სამართლის იურიდიული პირი” იქნება.

გათვალისწინებულია ასევე „საავტომობილო გზების შესახებ” კანონის გამკაცრება — გზისპირა ზოლში შეუთანხმებელი სამშენებლო საქმიანობისთვის ადმინისტრაციული პასუხისმგებლობა დადგება.