„კოლოსის” 25 წლის ცენტრალური ნახევარმცველი, საქართველოს ეროვნული ნაკრების ფეხბურთელი ნიკა გაგნიძე ამ ზაფხულს, სავარაუდოდ, ახალ კლუბში გადავა.

ТаТоТаке-ს ექსპერტი მიხაილ სპივაკოვსკი ადასტურებს: „ვადასტურებთ „ნიუ ინგლენდ რევოლუშენის” ინტერესს გაგნიძის მიმართ. დანიის „მიდტიულანდიც” ინტერესდება, თუმცა ამ ეტაპზე ამერიკელები გარიგებასთან უფრო ახლოს არიან.”

ამ სეზონში გაგნიძემ უკრაინის პრემიერლიგის 25 მატჩში 4 ასისტი გაკეთა. „კოლოსმა” ის „დილასგან” 2024 წელს 300 000 ევროდ შეიძინა; კონტრაქტი 2027 წლის ზაფხულამდეა. transfermarkt-ის შეფასებით, ახლა ფეხბურთელის ბაზრული ღირებულება 900 000 ევრომდე გაიზარდა. ეროვნულ ნაკრებში გაგნიძეს 8 გამოჩენა და 1 გოლი აქვს.