რუსთავში კომპანიის დირექტორს 1 004 798 ლარის თაღლითურად მითვისების ბრალდება წარედგინა. ინფორმაციას საქართველოს პროკურატურა ავრცელებს.

ბრალდების მხარის განმარტებით: ბრალდებულმა უცხო ქვეყნის მოქალაქეს 43 ავტომანქანის საზღვარგარეთიდან ჩამოყვანა და გადაცემა დაჰპირდა. დაზარალებული დაარწმუნა, რომ მანქანების ღირებულების ნაწილი წინასწარ უნდა გადაეხადა. ამის შემდეგ დაზარალებულმა თანხა ეტაპობრივად გადასცა — ნაღდი ფულის სახით, საბანკო ანგარიშებით და კრიპტო საფულეებზე. ავტომანქანები ჩამოყვანილი არ ყოფილა.

ბრალდება სისხლის სამართლის კოდექსის 180-ე მუხლის მე-3 ნაწილის „ბ” ქვეპუნქტით — დიდი ოდენობით თაღლითობა — წარდგენილია, რაც 9 წლამდე თავისუფლების აღკვეთას ითვალისწინებს.