საფრანგეთის ეროვნულმა ასამბლეამ 68 ხმით 28-ის წინააღმდეგ მიიღო რეზოლუცია, რომელიც ბიძინა ივანიშვილის პიროვნულ ფინანსურ სანქციებს ითხოვს. კენჭისყრას 97 დეპუტატი ესწრებოდა.

2025 წლის 24 სექტემბერს ინიციირებული და 11 მაისს მიღებული დოკუმენტი:

• გმობს საქართველოს „არალიბერალურ და ავტორიტარულ გადახრას”, ფუნდამენტური უფლებების დარღვევას და მომიტინგეების წინააღმდეგ „ძალის არაპროპორციულ გამოყენებას”;
• ითხოვს „ქართული ოცნების” საპატიო თავმჯდომარის, ბიძინა ივანიშვილისა და მისი გარემოცვის „მიზნობრივ” ფინანსურ სანქციებს;
• მოუწოდებს საფრანგეთის მთავრობას, გამოდეს „რუსეთის გავლენის” საწინააღმდეგოდ, რომელსაც ასამბლეა ბიძინა ივანიშვილზე ახდენს.

ევროპულ მისწრაფებებში საქართველოს ხალხის მხარდაჭერა ამ დოკუმენტსაც ახლავს — ანალოგიური ფორმულირებით, რომელიც ევროპარლამენტის რეზოლუციებშიც გვხვდება.

რეზოლუციის ინიციატორი გახლდათ „ერთად რესპუბლიკისათვის” ჯგუფი გაბრიელ ატალის ხელმძღვანელობით. მხარი დაუჭირეს სოციალისტებმა, მემარჯვენე რესპუბლიკელებმა, ეკოლოგებმა და დემოკრატებმა. წინააღმდეგ — მარინ ლე პენის „ეროვნული გაერთიანების” 13 და მემარცხენე „ახალი სახალხო ფრონტის” 10 დეპუტატი.

საქართველოს ხელისუფლება ამ ნაბიჯს ჯერ არ გამოეხმაურება. 5 მაისს ევროპარლამენტის საგარეო საქმეთა კომიტეტის მსგავსი ანგარიში საქართველოს საგარეო უწყებამ „რეალობას აცდენილი” და „შემაშფოთებელი” უწოდა.