კომუნიკაციების კომისიამ ოპოზიციური ტელეკომპანია „ფორმულა” 2 500 ლარით დააჯარიმა — ახალი ამბების გადაცემებში „პირადი მოსაზრებების გავრცელების”, „მიუკერძოებლობის” და „ბალანსის დაცვის” სავარაუდო დარღვევების გამო.

ჯარიმას ზეპირი გაფრთხილება წინ უძღოდა. 21 მაისს გამოქვეყნებულ განცხადებაში კომისიამ მიუთითა, რომ ახალი ამბების პროგრამებში ჟურნალისტებსა და წამყვანებს პოლიტიკური და საზოგადოებრივი საკითხები „მაუწყებლის პირადი დამოკიდებულების” პრიზმიდან გაეშუქებინათ. ბალანსის მოთხოვნის დარღვევა 22 აპრილის სიუჟეტშიც გამოვლინდა — დიუშენის დაავადების შესახებ მასალაში მხოლოდ მშობლების პოზიცია იყო წარმოდგენილი, ჯანდაცვის სამინისტროს კომენტარი კი — არა.

„ფორმულამ” სოციალურ ქსელში განმარტა, რომ კომისიამ სახელდობრ ასეთი სიტყვათა შეხამებები — „ოცნების სუსი”, „ივანიშვილის ხელისუფლება”, „პროსამთავრობო რუსთავი 2”, „რეჟიმის სასამართლო” — სარედაქციო კანონდარღვევად ჩათვალა.

ვინაიდან „ფორმულას” ბოლო ერთი წლის განმავლობაში მსგავსი დარღვევისთვის წერილობითი გაფრთხილება უკვე ჰქონდა, ჯარიმა მინიმალური — 2 500 ლარი — დაეკისრა.