ევროკომისია გამოვა წინადადებებით შენგენის ზონის ვიზების გაცემის კიდევ უფრო გამკაცრების თაობაზე — ამ გადაწყვეტილებას შენგენის 11 სახელმწიფოს ერთობლივი წერილი უძღვის.

„ჩვენ გამოვალთ წინადადებებით შემოღებულ იქნეს მიზანმიმართული შემზღუდავი სავიზო ზომები, უსაფრთხოების პრობლემების გადაჭრის მიზნით, რომლებიც ჩნდება მესამე ქვეყნების მტრული მოქმედებების შედეგად,” — განაცხადა ევროკომისიის წარმომადგენელმა მარკუს ლამერტმა Euronews-ს.

მოთხოვნა 11 სახელმწიფოს ერთობლივი წერილიდან მოდის: დანია, ისლანდია, ლატვია, ლიეტუვა, ნიდერლანდები, ნორვეგია, პოლონეთი, ფინეთი, ჩეხეთი, შვედეთი და ესტონეთი. ქვეყნები ეწინააღმდეგებიან ევროპის „ორსახოვნებას” — მათ ესაზღვრება ომით დარტყმული უკრაინა, ხოლო საფრანგეთი, ესპანეთი და იტალია ბოლო წელს რუს ტურისტებს ათასობით ვიზა გასცეს.

2025 წელს: საფრანგეთმა 180 000-ზე მეტი ვიზა, იტალიამ — 160 000-მდე, ესპანეთმა — 100 000-მდე.

„უაღრესად შემაშფოთებელია, როცა სულ უფრო მეტი რუსი ტურისტი ისვენებს ევროპის პლაჟებზე, მაშინ, როცა რაკეტები კვლავ ესხმიან თავს უკრაინას,” — ნათქვამია წერილში.

ევროკომისია ადასტურებს, რომ 2022 წლიდან რუსეთის მოქალაქეებზე გაცემული ვიზების რაოდენობა 4 მილიონიდან დაახლოებით 500 000-მდე შემცირდა, თუმცა ეს ციფრი ჯერ კიდევ არასაკმარისად მიიჩნევა.