ევროსაბჭოსა და ევროპარლამენტის დიპლომატებმა სამშაბათ გვიანობამდე მოლაპარაკება გაიყვანეს და შეთანხმებას მიაღწიეს ევროკავშირ-აშშ 2025 წლის ერთობლივი განცხადების სავაჭრო ნაწილის განხორციელების წესებზე. შეთანხმება ამცირებს გადასახადს ევროპაში იმპორტირებული ამერიკული სამრეწველო საქონლის უმეტეს ნაწილზე.

გარიგება ეფუძნება 2025 წლის 21 აგვისტოს შოტლანდიის ქალაქ ტერნბერიში ამერიკის პრეზიდენტ დონალდ ტრამპსა და ევროკომისიის მეთაურ ურსულა ფონ დერ ლაიენს შორის მიღწეულ შეთანხმებას. ე.წ. „ტერნბერის შეთანხმების” მიხედვით, ევროკავშირის საქონელზე აშშ ტარიფებს 15%-მდე ზრდის — ამ პუნქტს ევროპარლამენტარები დისბალანსად მიიჩნევენ.

შეთანხმების მიღება რამდენჯერმე შეფერხდა: ჯერ ამ წლის დასაწყისში ტრამპის გრენლანდიის შესახებ მუქარის გამო, შემდეგ კი — სასამართლო გადაწყვეტილების კვალდაკვალ, რომელმაც ტრამპის ტარიფები უკანონოდ გამოაცხადა.

ტექნიკური დამუშავების შემდეგ შეთანხმებას ოფიციალურად ევროპარლამენტი და საბჭო დაამტკიცებს. გარიგება ასევე ითვალისწინებს დამცავ მექანიზმს: ევროკავშირს შეეძლება ამოქმედოს, თუ ამერიკული იმპორტი ადგილობრივი მწარმოებლებისთვის საფრთხე გახდება ან ვაშინგტონი შეთანხმებას არ შეასრულებს.