ოპოზიციის ალიანსმა ევროკავშირის საგარეო ქმედებათა სამსახურიდან წერილი მიიღო, რომელშიც ევროკავშირი ღიად განაცხადებს: „საქართველო კვლავ ჩვენი დღის წესრიგის ერთ-ერთ მთავარ საკითხად რჩება.”

ევროკავშირი წერილში ადასტურებს, რომ „მზადაა მხარი დაუჭიროს ქართველი ხალხის ევროპულ მისწრაფებებს და ქვეყნის გაწევრიანების გზას, თუ საქართველოს ხელისუფლება გადაწყვეტს შეცვალოს ამჟამინდელი მოქმედების კურსი.”

21 აპრილის საგარეო საქმეთა საბჭომ შეაფასა საქართველოში მდგომარეობის გაუარესება. ევროკავშირის უმაღლეს წარმომადგენელმა ხაზი გაუსვა, რომ გაუმჯობესების ნიშნები არ შეინიშნება და ქართველ მთავრობას მოქმედების კურსი უნდა შეეცვალა.

ევროკავშირი ასევე განაცხადებს, რომ „აქტიურად ეწინააღმდეგება ქართული ოცნების წარმომადგენლების მიერ გავრცელებულ დეზინფორმაციულ ნარატივებს” და ადასტურებს „ურყევ მხარდაჭერას ქართველი ხალხის მიმართ.”

„ევროკავშირის კარი ღია რჩება საქართველოსთვის, — ვკითხულობთ წერილში, — ჩვენ კვლავ ვართ ერთგულნი ხალხთა შორის კონტაქტების, მედიის, სამოქალაქო საზოგადოებისა და ახალგაზრდების მხარდაჭერის.”