XIV ტური „ლელოს” შეფასებით ამ ნაკრებს გვაძლევს (3-4-3):

მეკარე

დავით კერესელიძე (დილა) — შეხვედრაში „დინამო”-სთან შესანიშნავად ითამაშა და, ამასთან, გათიშულ თანაგუნდელ რომარიკ ეტოუს პირველი დახმარება გაუწია.

დაცვა

ვაჰიდ სელიმოვიჩი (იბერია 1999) — გამოცდილი ლუქსემბურგელი „გაგრასთან” მთელი თამაშის განმავლობაში დამაჯერებლად ირჯებოდა.

ნიკოლოზ კენჭაძე (სპაერი) — ეს ცენტრალური მცველი საიდუმლო იარაღი გამოდგა: „სპაერის” 3:3 გაუტოლებაში გოლიც გაიტანა.

გიორგი ბუნტური (სპაერი) — კიდევ ერთი მცველი, ვინც შეტევაში შემოვიდა და 2:3-ში ინიციატივა გამოიჩინა. მისი პროგრესი სეზონი-სეზონს ეტყობა.

ნახევარდაცვა

გიორგი არაბიძე (ტორპედო) — 100-ე თამაში „ტორპედოში” გოლითა და გადაცემით დაიგვირგვინა. ამ დროისთვის, ეროვნული ლიგის უდავოდ საუკეთესო მოთამაშე.

ანდრია ბართიშვილი (იბერია 1999) — „გაგრასთან” გაიტანა გოლი, რომელიც კარგა ხანს სიამოვნებით გავიხსენებთ.

უერდი მარა (დინამო ბათ.) — ბათუმელთა ერთ-ერთი წამყვანი ფიგურა. „სპაერთან” გოლი გაიტანა და გადაცემაც გააკეთა.

ლაშა კოხრეიძე (სპაერი) — ახალგაზრდა, არაორდინარული ქმედებებით გამორჩეული ფეხბურთელი. „სპაერის” 1:2 შემცირება მისი სახელით დაიწყო.

თავდასხმა

სოლომონ კესი (რუსთავი) — განელი ლეგიონერის ერთადერთი გოლი „სამგურალს” ამარცხებს. „რუსთავი” კარგ ლეგიონერებს ყოველ სეზონზე პოულობს — ეს მისი ძლიერი მხარეა.

კომნენ ანდრიჩი (ტორპედო) — ტურის გმირი. „მეშახტეს” ჰეთ-თრიკი გაუკეთა. სერია A-ის გამოცდილება ქუთაისში ეტყობა.

ლევან ხოზრევანიძე (დინამო ბათ.) — სუბსტიტუტად შემოვიდა და 1:3 გახადა. ბათუმელთა ატომური მარიფათი ამ ტურში ბოლოს „სპაერის” ბრძოლისუნარიანობამ გაანეიტრალა.