მეცნიერებმა ახალი ეგზოპლანეტა აღმოაჩინეს, რომელიც შესაძლოა საცხოვრებლად ვარგისი იყოს - პლანეტა, სახელწოდებით GJ 3378b, დედამიწაზე დაახლოებით ორჯერ დიდია და 25 სინათლის წლის მანძილზე მდებარეობს. მიუხედავად ამ მანძილისა, მეცნიერები მას ჩვენს „კოსმოსურ მეზობლად“ მოიხსენიებენ.

კვლევის ერთ-ერთი ავტორის, კალიფორნიის უნივერსიტის (ირვინი) წარმომადგენლის, პოლ რობერტსონის თქმით, პლანეტა ე.წ. „გოლდილოქსის ზონაში“ მდებარეობს — რეგიონში, სადაც ტემპერატურა თხევადი წყლის არსებობას უწყობს ხელს.

“საკმარისია ისეთი პირობებისთვის, სადაც თხევადი წყალი შეიძლება არსებობდეს“, — აღნიშნა რობერტსონმა.

მეცნიერების თქმით, საბოლოო დასკვნისთვის დამატებითი კვლევებია საჭირო, რათა დადგინდეს აქვს თუ არა პლანეტას ატმოსფერო და არსებობს თუ არა იქ სიცოცხლის შესაძლო ნიშნები.

NASA-მ უკვე დააანონსა „საცხოვრებელი სამყაროების ობსერვატორიის“ პროექტი. მისი მეშვეობით ასტრონომები პლანეტების ატმოსფეროებში იმ ქიმიური ელემენტების ძიებას გეგმავენ, რომლებიც შესაძლოა სიცოცხლეს უკავშირდებოდეს.