მსოფლიო ჩემპიონატის 1/16-ფინალში ეგვიპტემ ავსტრალია პენალტების სერიაში დაამარცხა და 1934 წლის შემდეგ პირველად ითამაშებს მერვედფინალში.

თავიდან ავსტრალიამ შეუტია და კარგი მომენტიც ჰქონდა, როდესაც ვოლპატომ ბურთი ხარიხას გაარტყა. შემდეგ კი ეგვიპტე აშურმა დააწინაურა. ავსტრალიამ შეტევებით უპასუხა და 55-ე წუთზე ჰანის ავტოგოლით ანგარიში გაათანაბრა. 90+3-ე წუთზე ეგვიპტეს გამარჯვების მოპოვება შეეძლო, მაგრამ ახლო მანძილიდან რაბიას თავით დარტყმული ბურთი მეკარე ბიჩმა მოიგერია და ძირითადი დრო 1:1 დასრულდა.

ექტრა ტაიმებში ანგარიში არ შეიცვალა, ხოლო პენალტების სერიაში ეგვიპტემ გაიმარჯვა.

ეგვიპტე მერვედფინალში არგენტინასა და კაბო-ვერდეს შორის გამარჯვებულს დაუპირისპირდება.

არლინგტონი. „AT&T სთედიუმი“

ავსტრალია - ეგვიპტე პენ 2:4 (ძირ. და დამ. დრო 1:1)

გოლები: 0:1 აშური (13), 1:1 ჰანი (55, საკ. კარში)

• მატჩის საუკეთესო ფეხბურთელად სალაჰი დაასახელეს.
• მიმდინარე ტურნირზე უკვე 13 ავტოგოლი დაფიქსირდა, რაც მსოფლიო ჩემპიონატების ანტირეკორდია.
• ეგვიპტელთა მცველმა ჰანმა ერთ მუნდიალზე ორჯერ გაიტანა საკუთარ კარში და 1996 წელს ბულგარელი ვუცოვის მიერ დამყარებული ანტირეკორდი გაიმეორა.
• 119-ე წუთზე, თერთმეტმეტრიანების წინ ავსტრალიელთა მწვრთნელმა პოპოვიჩმა მეკარე ბიჩი რაიანით შეცვალა.