ჯანდაცვის მსოფლიო ორგანიზაციამ კონგოს დემოკრატიული რესპუბლიკისა და უგანდის ებოლას გავრცელება „საერთაშორისო მნიშვნელობის მქონე საზოგადოებრივი ჯანმრთელობის საგანგებო მდგომარეობად” გამოაცხადა, — Reuters-ი იტყობინება.

ჯანმომ განმარტა, რომ ბუნდიბუგიოს ვირუსით გამოწვეული ეს გავრცელება პანდემიის სტატუსს ვერ აღწევს, თუმცა კონგოს სახმელეთო მოსაზღვრე ქვეყნებისთვის ინფიცირების შემდგომი გავრცელების საფრთხე მაღალია.

შაბათის მდგომარეობით, კდრ-ში 80 გარდაცვლილი, 8 ლაბორატორიულად დადასტურებული შემთხვევა და 246 საეჭვო შემთხვევა ფიქსირდება. ჯანმო გვაფრთხილებს, რომ ეს — ქვეყანაში ებოლას მე-17 — აფეთქება წინა ეპიდემიებზე გაცილებით მასშტაბური შეიძლება გახდეს სასწრაფო ნიმუშების მაღალი დადებითობისა და ახალი შემთხვევების მზარდი ტემპის გათვალისწინებით.

განსაკუთრებულ საფრთხეს წარმოადგენს ის, რომ ბუნდიბუგიოს ვირუსის წინააღმდეგ, ებოლას გავრცელებული ზაირის შტამისგან განსხვავებით, დამტკიცებული ვაქცინა ან სპეციფიკური მკურნალობა დღემდე არ არსებობს. ქვეყნის ყველა წინა აფეთქება, ერთის გარდა, სწორედ ზაირის შტამით იყო გამოწვეული.