ჯანდაცვის მსოფლიო ორგანიზაციამ კონგოს დემოკრატულ რესპუბლიკასა და უგანდაში ებოლას ბუნდიბუგიოს შტამის გავრცელება „საერთაშორისო მნიშვნელობის მქონე საზოგადოებრივი ჯანმრთელობის საგანგებო მდგომარეობად” გამოაცხადა, — იტყობინება Reuters.

ჯანმომ განმარტა, რომ ბუნდიბუგიოს ვირუსით გამოწვეული აფეთქება პანდემიის საგანგებო მდგომარეობის გამოცხადების კრიტერიუმებს არ აკმაყოფილებს, მაგრამ კონგოს სახმელეთო სასაზღვრო მეზობელი ქვეყნები დაავადების შემდგომი გავრცელების მაღალ რისკს ექვემდებარებიან.

შაბათის მდგომარეობით, კდრ-ში დაფიქსირდა 80 გარდაცვლილი, 8 ლაბორატორიულად დადასტურებული და 246 საეჭვო შემთხვევა. ჯანმოს შეფასებით, ქვეყანაში მე-17-ე აფეთქება ბევრად მასშტაბური შეიძლება გახდეს — სწრაფად მზარდი დადებითობის მაჩვენებელი და საეჭვო შემთხვევათა რაოდენობა ამაზე მიუთითებს.

განსაკუთრებულ შეშფოთებას იწვევს ის, რომ ბუნდიბუგიოს ვირუსის წინააღმდეგ — ებოლას ზაირის შტამისგან განსხვავებით — დამტკიცებული სამკურნალო საშუალებები ან ვაქცინები არ არსებობს. კდრ-ში ებოლა პირველად 1976 წელს დაფიქსირდა; ყოველი წინა აფეთქება, ერთის გარდა, სწორედ ზაირის შტამით იყო გამოწვეული.