თბილისში, რუსთაველის გამზირზე, დიუშენის კუნთოვანი დისტროფიით დაავადებული ბავშვების მშობლები და მხარდამჭერები „მადლობის მარშს” მართავდნენ.

ორგანიზატორთა თქმით, მსვლელობა მადლობის, ერთიანობისა და გამარჯვების ნიშნად ეძღვნება ყველა იმ ადამიანს, ვინც პროტესტის მთელი პერიოდის განმავლობაში მშობლებს გვერდით ედგა. განსაკუთრებული მადლობა ილიაუნის სტუდენტებს — მათ მარათონი გამართეს და ბავშვებისთვის საჭირო სახსრების მობილიზება შეძლეს.

მარში რუსთაველის მეტროსთან დაიწყო და სიმბოლურად მთავრობის კანცელარიასთან დასრულდა.

მშობლებთან მოლაპარაკებების შედეგად საქართველოს მთავრობამ გადაწყვიტა სამუშაო ჯგუფი შექმნას, რომელიც დიუშენის კუნთოვანი დისტროფიით დაავადებული ბავშვების მედიკამენტებით უზრუნველყოფის საკითხს დაიხვეწავს. სწორედ ეს გარღვევა გახდა „მადლობის მარშის” ძირითადი მოტივი.