30 წლის ბრიტანელი მომღერალი დუა ლიპა და 36 წლის მსახიობი კალუმ ტერნერი 31 მაისს ლონდონში, ოლდ მერილებონის მერიაში, დაქორწინდნენ. ქორწილი ახლო ოჯახისა და მეგობრების გარემოცვაში, მოკრძალებული ცერემონიის სახით გაიმართა.

Vogue-ის ინფორმაციით, დუა ლიპას Schiaparelli-ს კუტურის თეთრი კაბა ეცვა — დიზაინერი დენიელ როუზბერი. ლუქი თეთრი ხელთათმანებით, Christian Louboutin-ის ფეხსაცმლითა და სტივენ ჯონსის ქუდით გააგრძელა. კალუმ ტერნერი კლასიკურ ლურჯ კოსტიუმსა და ჰალსტუხში გამოჩნდა.

ქორწილის კადრები The Daily Mail-მა და The Sun-მა გაავრცელეს. წყვილის წარმომადგენლებს ოფიციალური კომენტარი ჯერ არ გაუკეთებიათ.

დუა ლიპამ ნიშნობა 2025 წლის ივნისში, Vogue-თან ინტერვიუში, პირველად დაადასტურა. მაშინ განაცხადა, რომ მსოფლიო ტურნეს დასრულების შემდეგ დაქორწინებას გეგმავდა. „ქორწინება მხოლოდ სიყვარულის გამოხატულება კი არ არის — ეს გადაწყვეტილებაა, რომელიც ორი ადამიანის მომავალს განსაზღვრავს,” — განაცხადა მან.

მომღერალი ასევე ისაუბრა ოჯახის შექმნის სურვილზე: „ძალიან მინდა, რომ ერთ დღეს შვილები მყავდეს, თუმცა ყველაფერს თავისი დრო აქვს.”