პოპ ვარსკვლავმა დუა ლიპამ და მსახიობმა კალუმ ტერნერმა სიცილიაში სამდღიანი სააღლუმო ქორწილი დაიწყეს, მას შემდეგ, რაც გასულ შაბათ-კვირას ლონდონში ოფიციალურად დარეგისტრირდნენ.

30 წლის ლიპა ცნობილი იტალიური სახლის Bottega Veneta-ს თეთრ, ელეგანტურ კაბაში გამოჩნდა, Bulgari-ს სამკაულებით შევსებული. 36 წლის ტერნერმა კრემისფერი კოსტიუმი და თეთრი პერანგი ირჩია.

პირველი ღონისძიება პალერმოს ისტორიულ Palazzo Croce dei Vespri-ში გაიმართა. სტუმრებს ცოცხალი ჯაზბენდი, სანთლებით გაფორმებული სივრცე და სიცილიური სამზარეულოს ტრადიციული კერძები დახვდათ.

ქორწილში დაახლოებით 200 სტუმარს ელოდებიან. მათ შორის უკვე დაფიქსირდნენ: მსახიობი ჯო ალვინი, Charli XCX მეუღლე ჯორჯ დენიელთან ერთად და მუსიკოსი მარკ რონსონი.

შემდეგი ღონისძიებები პალერმოს კიდევ ერთ ისტორიულ სასახლეში გაგრძელდება, შემდეგ კი სტუმრები თანამედროვე ხელოვნების გალერეაში გადაინაცვლებენ, სადაც სპეციალური მუსიკალური პროგრამაა დაგეგმილი.

ქორწილის სრული ღირებულება, ადგილობრივი მედიის ცნობით, დაახლოებით 1,5 მილიონ ევროს აღწევს. ზეიმი ბაგერიაში, ისტორიულ Villa Valguarnera-ში დასრულდება.