„დაიცავი ილიაუნის” ლაივ სტრიმის მეშვეობით, დიუშენის კუნთოვანი დისტროფიის მქონე ბავშვების დასახმარებლად, ამ დრომდე 930 000 ლარი შეგროვდა. ინიციატივას რამდენიმე კომპანია, გამომცემლობა და უნივერსიტეტი შეუერთდა.

მარათონი ლაივ რეჟიმში კვლავ გრძელდება — ორგანიზატორები განმარტავენ, რომ ლაივი არ შეწყდება, სანამ შემომწირველები დონაციებს გააგრძელებენ.

შეგროვებული თანხა ბავშვების ყოველდღიური საჭიროებების — სასუნთქი აპარატებისა და მათი მუდმივი მუშაობისთვის საჭირო გენერატორების, მედიკამენტების, ადაპტირებული საწოლების, ეტლებისა და ხერხემლის ოპერაციების — დასაფინანსებლად გამოიყენება.

ვისაც შემოწირულობის გაღება სურს, შეუძლია ეს გააკეთოს: თბს: #GE20TB7881145068100026 / საქართველო: #GE49BG0000000611756133 / ქისა: www.kisa.ge