დიუშენის კუნთოვანი დისტროფიით დაავადებული ბავშვების ოჯახის წევრი კახა წიქარიშვილი ანგარიშს ასაჯაროებს: ორგანიზაციის ანგარიშზე ახლა 1 709 809 ლარია.

„ეს ვერ მოხდებოდა, რომ არა „დაიცავი ილიაუნი” და გიორგი კალატოზიშვილი. უდიდესი მადლობა მათ — ისინი ჯერ კიდევ ამ საქმეს განაგრძობენ”, — წერს წიქარიშვილი.

სრული ანგარიში

• 1 709 809 ლარი — ორგანიზაციის მთავარი ანგარიში;
• 174 500 ლარი — ალექს დრაილინგის ანგარიში (ოჯახებისთვის საჩუქრებად და პირდაპირ თანხებად);
• 15 000 + 15 000 ლარი — სტუდენტებმა ორ ოჯახს პირდაპირ ჩაურიცხეს.

„ეს თქვენს მიერ შეგროვებული ფულია, ძვირფასო მეგობრებო”, — სოციალური ქსელის პოსტში წერს წიქარიშვილი.

მარათონის შესახებ

„დაიცავი ილიაუნის” სტუდენტური ლაივ-მარათონი ზუსტად 100 საათი გაგრძელდა. მარათონში შეგროვდა 1 670 938 ლარი და 48 თეთრი — ამ ინიციატივას კომპანიებიც შეუერთდნენ. შეგროვებული თანხა სრულად გადაირიცხება დიუშენის ფონდში.