გორული კლუბი „დილა” მთავარი მწვრთნელის ვაკანსიის შევსებას ახლოვდება. „ლელოს” ინფორმაციით, კლუბმა ყველა ვარიანტი გამოსცადა და საბოლოოდ ლევან კორღალიძის ვარიანტს მიუბრუნდა.

დიეგო ლონგოს წასვლის შემდეგ ვაკანტურ პოსტზე კანდიდატებად სახელდებოდნენ გია გეგუჩაძე და ლევან კორღალიძე. თუმცა გეგუჩაძე, „ძალიან მაღალი ალბათობით”, გამოირიცხა — მხარეებს პრიორიტეტები ვერ დაუთანხმდათ. კორღალიძესთანაც პოზიციები ვერ შეჯერდა, და კლუბმა ყურადღება უცხოელ სპეციალისტზე გადაიტანა. აქაც სირთულეებია — შესაფერისი კანდიდატი ვერ მოიძებნა, ევროტურნირები კი ახლოვდება, ადაპტაციისთვის კი დრო არ არის.

„ბოლო ინფორმაცია ასეთია — „დილა” მიუბრუნდა კორღალიძის ვარიანტს და მხარეები უკვე აქტიურად მსჯელობენ თანამშრომლობაზე. წესით, საბოლოოდ წერტილი მალე უნდა დაისვას,” — წერს „ლელო”.