დიდუბეში სატვირთო მანქანას დამუხრუჭებისას საკუთარი ტვირთი დაეცა. რკინის კონსტრუქციები მძღოლის კაბინას დაეცა და ჩაჭეჭყა. მაშველები ერთობლივი ძალებით ცდილობდნენ მძღოლის მანქანიდან გამოყვანას, თუმცა მისი გადარჩენა ვერ მოხერხდა. თვითმხილველები IPN-ს უყვებიან, რომ მძღოლმა სატვირთო მანქანა შუქნიშანზე დაამუხრუჭა. ახლობლების ინფორმაციით, გარდაცვლილი მამაკაცი 35 წლის იყო. შინაგან საქმეთა სამინისტროს ინფორმაციით, გამოძიება სისხლის სამართლის კოდექსის 276-ე მუხლით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.