FBI-ის აგენტებმა ცენტრალური სადაზვერვო სააგენტოს ყოფილი მაღალჩინოსანი დევიდ რაში დააკავეს. მის სახლში ჩხრეკისას 303 ერთ-კილოგრამიანი ოქროს ზოდი — 40 მლნ დოლარზე მეტი ღირებულებით — 2 მლნ დოლარის ნაღდი ფული და 35 ძვირადღირებული საათი აღმოაჩინეს.

სასამართლო დოკუმენტების მიხედვით, რაში ბოლო თვეებში მთავრობისგან სამუშაო ხარჯებისთვის ოქროსა და უცხოური ვალუტის სახით მიიღო თანხა, თუმცა ამ სახსრების მნიშვნელოვანი ნაწილი ოფიციალურ ჩანაწერებში არ ფიქსირდებოდა. გამოძიებამ ასევე დაადგინა, რომ ბრალდებულმა სახელმწიფო სამსახურში მუშაობის დროს განათლებისა და სამხედრო გამოცდილების შესახებ ყალბი ინფორმაცია წარადგინა და უკანონოდ იღებდა სამხედრო შვებულებასთან დაკავშირებულ ანაზღაურებას.

სასამართლო მასალების მიხედვით, რაშს უმაღლეს დონის საიდუმლო ინფორმაციაზე ჰქონდა წვდომა. გამოძიება გრძელდება — ჯერჯერობით უცნობია, რატომ ინახავდა ყოფილი მაღალჩინოსანი ამ სიმდიდრეს სახლში.