ბერძნულ-რომაული ჭიდაობის 17-წლამდელთა ევროპის ჩემპიონატი ბულგარეთის სამოკოვში მიმდინარეობს. 13 მაისს ფინალური ბლოკი ჩვენთვის წარუმატებელი გამოდგა: სამივე ქართველი მოჭიდავე დამარცხდა.

რამაზ ბასილია (71 კგ) ოქროს გარეშე დარჩა. ფინალში სომეხმა იანეს ნაზარიანმა დამაჯერებლად, 4:0 მოუგო. ნაზარიანი ბასილიას ბოლო ორი ევროპის ჩემპიონატის კარგად ნაცნობი მეტოქეა — 2025 წელს ქართველმა ევროფინალში იმარჯვა, სომეხმა კი რევანში მსოფლიო ჩემპიონატის ფინალში აიღო.

ლუკა ბოლქვაძე (45 კგ) ბრინჯაოს მატჩში 1:6 წააგო სომეხ ვაზგენ ვარდანიანთან. დავით შავაძე (51 კგ) კი 1:9 — აზერბაიჯანელ ჰუსეინ შაჰრუზ მუსტაფზადესთან.

ტურნირის წინა დღეს ბრინჯაო მოიპოვეს ლუკა ბუიღლიშვილმა (80 კგ) და საბა ტაკიძემ (110 კგ). სულ ნაკრებმა 3 მედალი მოიპოვა — 1 ვერცხლი და 2 ბრინჯაო — და გუნდურ ჩათვლაში მეოთხე ადგილზე გავიდა 92 ქულით.

გოგონები 14 მაისს ჩაება: 61 კგ-ში ანა წერეთელი, 69 კგ-ში ნინო სამხარაძე. 13 მაისს ანა ლაბაძემ (57 კგ) პირველ მატჩში 10:0 მოუგო ლატვიელს, მეორეში 0:10 თურქ დელალ კადირთან წააგო.